MKF_valcover_svørt

At styrkja og menna føroyska málið og føroyska mentan eru millum míni hjartamál.  Samferðsluviðurskifti, náttúru- og umhvørvispolitikkur og orkumál eru eisini evni, sum hava mín stóra áhuga. Loysnir á bústaðartrotinum, og ein skynsamur bústaðarpolitikkur, har alment, kommunalt og privat fáa sínar karmar lýstar at virka undir, er alneyðugt at fáa til politiska viðgerð sum skjótast.

Eg eri í Tórshavnar býráði, har eg siti mína fjórðu setu nú; verði eg vald á Føroya Løgting, fari eg tó at lata varamanninum býráðssessin. Sostatt havi eg sera drúgvar politiskar royndir úr høvuðsstaðarkommununi.

 

Sum royndur býráðspolitikari kenni eg, um nakar, fullvæl til tær ábøtur, ið lóggávuvaldið, Føroya Løgting, eigur at arbeiða við í komandi valskeiði til tess at bøta um virkiskarmarnar hjá føroysku kommununum. Kreftir í samfelagnum royna í ávísum førum at seta kommunurnar og landið upp í móti hvør øðrum; hesum taki eg frástøðu til, tí sum, – “Landið og kommunurnar eru at meta sum eitt par í einum hjúnalagi; ið tørva hvønn annan til tess at fáa sum best burtur úr fyri Føroya fólk”.

 

Vit føroyingar mugu gevast við at seta miðstaðar- og útjaðaraøkini upp í móti hvør øðrum; Føroyar eru bæði, og vit føroyingar eru øll í sama báti. Tann veruliga avbjóðingin kemur uttan úr heimi, og hana mugu vit handfara í felag. Einar frælsar, frílyntar, samhaldsfastar og rúmsáttar Føroyar, har vit kenna ábyrgd hvør móti øðrum, er mín visjón!

 

Menna føroyska málið og føroyska mentan
Styrkja og menna føroyska málið og mentanina, m.a. í sambandi við talgildu pallarnar. Hesin tørvurin er serstakliga stórur innan tilfar til børn og ung, tí her verður grundarlagið lagt undir okkara mentanarfatan. Føroyska málið og mentanin skulu styrkjast í øllum liðum, tað skal vera ein sjálvsagdur partur av stevnumiðunum í vøggustovuni, barnagarðinum, skúlanum o.s.fr. Tað skal hjúklast um søgu og siðaarv okkara, tí eitt søguleyst fólk er eitt fátækt fólk, og eingin annar enn vit hava ábyrgdina – hesum vil eg arbeiða fyri.

 

Loysn á bústaðartrotinum sum skjótast
Loysnir mugu finnast á bústaðartrotinum beinanvegin. Ein skynsamur bústaðarpolitikkur, har alment, kommunalt og privat fáa sínar karmar lýstar at virka undir, má gerast. Bústaðarpolitikkurin má m.a. fevna um heimildir til at langtíðarútleiga lendir til bústaðarbygging, lóg um bústaðarskyldu, lendisprísir til bústaðarbygging, skipaði viðurskifti til bæði stutt- og langtíðar útleigan o.s.fr. Tað er ein mannarættur at hava eitt trygt og gott stað at búgva, men soleiðis er støðan tíverri ikki í Føroyum. Hesum havi eg arbeitt við í kommununi, men heimildin er avmarkandi; tí vil eg á Løgting at broyta hesi viðurskifti, tí eg kenni tey innanífrá.

 

Skynsaman politikk fyri samferðslukervið, orkumál og náttúru- og umhvørvismál
Neyðugt er at viðtaka skynsamar heildarloysnir fyri samferðslukervið, har rakstur og trygd á verandi vegakervi verður uppraðfest. Ein nútímans samferðslupolitikkur eigur eisini at fevna um m.a. súkkluleiðir kring landið, at útvega kommununum heimildir til at loysa parkeringstrupulleikan, og somuleiðis, at tunnilsgerðir taka allar tær avleiddu verkætlanirnar við frá byrjan. Landið má leggja greiðar karmar, ið eggja til burðardyggar orkuloysnir. Grøna kósin á orkuøkinum má styrkjast við eini javnbjóðis kapping millum SEV og privatar. Ein virknan náttúru- og umhvørvispolitikk við lógarheimild fyri at verja náttúruna og umhvørvið. Herd krøv til loyvda ljóðdálking frá skipum, bilum o.ø. og strangari krøv til oljudálking. Varðagøturnar skulu dagførast, so slitið á náttúruna verður so lítið sum gjørligt. Skógrøktin skal fáa størri játtan til at framleiða trø, til privat og kommunur at planta, soleiðis at innflutningurin av plantum steðgar.

 

E:
Marin Katrina Ragnarsdóttir Frýdal

Fødd 18. september 1960, og eri av Velbastað

Foreldur: Helma Frýdal (f. Joensen), av Langasandi, og Ragnar Frýdal, av Velbastað

Eigi 4 børn: Yrsa (f. 1985), Æsa (f. 1993), Eindri (f. 1994) og Sakir (f. 2002)

Gift við Tróndi Leivssyni

Búgvi í Hoydølum, Skraddaragøta 11, FO-188 Hoyvík

Telefon: 312298 – 222334

Teldupostadressa: marinkatrina@torshavn.fo ella mkf@olivant.fo

www.marinkatrina.fo

 

Útbúgving
Útbúgvin í tóvirki í Danmark og Íslandi, prógv frá Dansk Textil Institut

Tikið FD-prógv (Forvaltningsdiplom) á Danmarks Forvaltningshøjskole

Tikið B.S.Sc. prógv í stjórnmálafrøði á Fróðskaparsetri Føroya

Tikið masterstakskeiðið Føroysk fyrisitingarlóg á Fróðskaparsetri Føroya

Síðan 1. februar 2012 starvast sum fulltrúi hjá Landsverk

 

Yrkisleið
Síðan ársbyrjan 2010 starvast sum fulltrúi í Almannaverkinum.

Áðrenn arbeitt sum fulltrúi í Nærverkinum og arbeitt á Sosialu deild hjá býráðnum. Yrkisleiðin hevur eisini fevnt um arbeiði sum pantifúti á Gjaldstovuni og sum prísansari á gamla Prísráðnum

 

Álitisstørv
2005-2016: Býráðslimur í Tórshavnar býráð

2013-2016: Nevdarlimur í Teknisku nevnd, Tórshavnar býráð

2013-2016: Nevndarlimur í Trivnaðarnevndini, Tórshavnar býráð

2013-2016: Limur í skúlastýrinum fyri Velbastaðar skúla

2013-2016: Limur í skúlastýrinum fyri skúlan á Løgmannabreyt

2009-2012: Nevndarlimur í SEV

2005-2012: Forkvinna í Teknisku nevnd, Tórshavnar býráð

2009-2012: Limur í Sosialu nevnd, Tórshavnar býráð

2005-2012: Limur í Heilsu- og umhvørvisnevndini, Tórshavnar býráð

2005-2012: Forkvinna í Hýruvognsnevndini, Tórshavnar býráð

2009-2011: Limur í Fíggjarnevndini, Tórshavnar býráð

2009-2012: Limur í skúlastýrinum fyri Nólsoyar skúla

2009-2012: Limur í skúlastýrinum fyri Argja skúla (nú skúlin á Argjahamri)

2005-2008: Limur í Havnarnevndini, Tórshavnar býráð

2005-2008: Limur í skúlastýrinum fyri Velbastaðar skúla

2005-2008: Limur í skúlastýrinum fyri Hest skúla

1997-2001: Nevndarlimur í Starvsmannafelagnum

 

Dømi um ymisk áhugamál gjøgnum árini
Nevndarlimur í Unga Tjóðveldi

Forkvinna í Ungmannafelagnum Sólarmagn

Nevndarlimur í Føroya Heimavirkisfelag

Sjálvboðin vakt í Kvinnuhúsinum

Havnar Svimjifelag

H71

Ljósið

Havnar Fimleikafelag

Havnar Róðrarfelag

Felagið Føroysk Ross

Føroya Ríðingafelag

Sluppvinir

Føroysk Træseglskip

Dansifelagið í Havn